Ang Langgam at ang Lungga.

Weeee nakauwi rin ako sa probinsya!! nakalayo na rin ako sa siyudad at sa walang sawang pagcocomputer. haha. gusto ko muna magrelax at enjoyin ang natitirang araw ng bakasyon ko kaya nakapagdesisyon akong manatili sa Batangas ng isang linggo. hehe

Isang araw. May 17, 2010. Sunday.

Hindi ko maliliutan ang amoy ng sariwang hangin sa bundok.

Ang mga simpleng tao na namumuhay sa simpleng paraan.

Ang misteryosong kakahuyan at kagubatan na bumabalot sa aking mga mapaglarong mga mata.

in short.

nagpunta kami sa talumpok. hehe

meron kasing mga nagimbita sa amin sa kainan doon. Masaya. maraming handa. parang fiesta. Meron ka ring natural scent na maamoy. ito ay ang tae ng mga baboy. pero nasanay naman ako sa amoy nang tumagal. hehe

Habang naglalakad ako sa kakahuyan. . .

nakakita ako ng bahay ng mga langgam. Hindi ko alam kung curiosity o sadyang gusto ko lang talagang sirain yun para makita yung loob. malay mo maging design inspiration pa to. hehe.

so sinimulan ko ngang teroristahin ang bahay nila. ano kayang itsura nito pag nakasection? pero imbis na hatiin. dinutdot ko ito gamit ang isang mahabang kahoy (patunay kung ano talaga ang intensyon ko.) hehe

habang dinudutdot ko ito ng kahoy. unti unting naglalabasan ang mga langgam. siguro sila ang mga kawal na prumoprotekta sa kanilang reyna. Malaki at kulay pula. Siguradong sa isang kagat nito ay deds ako.

Panandalian kong itinigil ang paninirang ginagawa ko.

Pinagmasdan ko silang mabuti. . .

Nagkakagulo na ang lahat.

Hindi nila alam kung ano ang kanilang gagawin at kung saang direksyon sila patungo.

Ano kaya kung ako yung langgam??

"Isang araw sa buhay ni Rommel Langgam" Episode 1.

Masayang naglalakad ang bidang langgam upang maghanap ng pagkain para iimbak sa kanilang lungga at paghatian ng kanyang komunidad.

Kasama niya sa paghahanap si Ai. Isa ring langgam na kaibigan niya mula pagkabata.

Masaya silang naghanap ng pagkain at magkasama silang bumalik sa kanilang lungga.

Nagulat ang dalawa sa kanilang nasaksihan.

Isang malaking alien ang sumulpot at sumisira sa kanilang tahanan.

Rommel Langgam: Ai Langgam. Dito ko ka lang. kailangan kong ipagtanggol ang tirahan natin maging kapalit man nito ang aking buhay. Kailangan protektahan ang reynang langgam para magpatuloy ang koloniya natin.

Nagkaroon ng madamdaming paghihiwalay ang magkaibigan at buong tapang na sumugod ang bidang langgam kahit alam niyang wala siyang magagawa at tanging kamatayan lamang ang naghihintay sa kaniya.

Itinaya niya ang kaniyang buhay alang-alang sa kanyang tungkulin. Isinugal niya ang pagibig ng kaibigan upang maipagtanggol ang mas nakararami.

-end-

Pano kung may ganito ngang eksena don??

kasalanan ko pala kung bakit hindi nagkatuluyan ang dalawang langgam na iyon.

Naisip ko bigla. Ako ang sumira sa katahimikan nila. :|

Siguro bago pa man ako dumating ay maayos ang buhay nila. may sistema at walang gulo.

Pero nagsimula itong masira nung dumating ako. Isang makasariling taong walang iniisip kundi ang sarili niyang mga interes.

Bakit hindi natin tuluran ang mga langgam?

handa silang ipagtanggol ang mga mahal nila. handa nilang gampanan ang kanilang mga tungkulin ng walang alinlangan. kahit buhay nila ang kapalit. Ang mga langgam na iniisip ang kapakanan ng ibang tao. Handang ipamahagi kung ano ang meron sila. Pantay-pantay. Masistema.

Bakit nga kaya hindi natin sila tularan? baka sakaling maayos pa ang bansa nating nababalot ng dumi at kaguluhan.